ДЭМБ-ын Номхон далайн баруун бүсийн захирал Др. Саиа Ма’у Пиукала ЗӨСҮТ-д албан ёсны айлчлал хийж, Монгол Улсын зоонозын өвчний өнөөгийн эрсдэлийн нөхцөл байдал, тандалт, лабораторийн чадавх болон “Нэг эрүүл мэнд” зарчмын хүрээнд хэрэгжиж буй хамтын ажиллагааны талаар танилцаж, санал солилцлоо.
Мөн энэ үеэр ЗӨСҮТ болон 14 аймгийн зоонозын өвчин судлалын төвд 8 нэр төрлийн 64 ширхэг лабораторийн тоног төхөөрөмжийг хүлээлгэн өгч, оношилгоо болон хариу арга хэмжээний чадамжийг бэхжүүлэв.
Түүнчлэн төлөөлөгчид ELISA шинжилгээний төхөөрөмж болон биоаюулгүй байдлын II зэрэглэлийн лабораторийн үйл ажиллагаатай газар дээр нь танилцлаа.
Нийтэлсэн огноо: 2026.06.15
