Шинжлэх ухаан, технологийн их сургууль болон Зоонозын өвчин судлалын үндэсний төв хиймэл оюунд суурилсан зоонозын халдварт өвчний тандалт, эрт сэрэмжлүүлэх тогтолцоог хөгжүүлэх чиглэлээр хамтран ажиллах гэрээнд 2026 оны 7 дугаар сарын 2-ны өдөр гарын үсэг зурлаа. Хамтын ажиллагаа нь Канадын Хөгжлийн Судалгааны Төв (IDRC)-ийн санхүүжилтээр 2025–2027 онд хэрэгжиж буй AI4PEP – AIZoOM төслийн хүрээнд хэрэгжих ...read more →

ЗӨСҮТ-ийн Лавлагаа лабораторийн алба 2025 онд оношилгоо, тандалт, итгэмжлэл, лабораторийн чадавхийг бэхжүүлэх чиглэлээр онцлох ажлуудыг амжилттай хэрэгжүүллээ. Нян судлал, вирус судлал, молекул биологийн шинжилгээний чадавх сайжирч, зоонозын өвчний хариу арга хэмжээний бэлэн байдал шинэ түвшинд хүрлээ.       

Тэжээлт орчин хуурайшуулах технологийг нэвтрүүллээ. Нянгийн гаралтай халдварт өвчний оношилгоонд ашиглагдах тэжээлт орчин, биобэлдмэл, урвалж уусмалыг дотооддоо үйлдвэрлэн төв болон орон нутгийн 14 аймгийн салбар төвүүдийг найдвартай хангаж ажиллаж байна.

АНУ-ын Эрүүл мэндийн үндэсний хүрээлэнгийн санхүүжилттэй судалгааны төсөл хэрэгжиж эхэллээ. Тус судалгаа нь хүн, малын дунд халдварт өвчин хэрхэн дамждагийг илүү нарийвчлан тодорхойлох шинэ аргачлал боловсруулахад чиглэж байгаа бөгөөд Зоонозын өвчин судлалын үндэсний төвийн хувьд NIH-ийн санхүүжилттэй хоёр дахь томоохон төсөл болж байгаагаараа онцлог юм.

Тахал судлаачдын “Yersinia” олон улсын симпозиумыг Монгол улсад анх удаа зохион байгууллаа. Симпозиумын үеэр зоонозын халдварт өвчнийг тандах, хянах, сэргийлэхэд шинжлэх ухаанд суурилсан шинэ технологи, инновацыг нэвтрүүлэх шаардлагатайг онцолж, цаашдын хамтын ажиллагааны чиглэлийг тодорхойллоо.

Вектороор дамжих зоонозын өвчний тандалт судалгаа Хачиг, шувуу, шумуулаар дамжих зоонозын халдварт өвчний байгалийн голомтын тандалтыг 10 аймгийн 22 сумын 54 цэгт 5 удаа зохион байгуулж, 12 төрлийн өвчнийг илрүүлэх шинжилгээ хийлээ. Үр дүнд нь фасциолоз, хачигт энцефалит, хачигт риккетсиоз, бабезиоз, эрлихиоз, япон энцефалит болон хачгийн хам халдварыг шинээр илрүүлэв.

🌟Тарваган тахлын байгалийн голомтын хамтарсан тандалт судалгаа 🔬🌍 ОХУ, БНХАУ-тай хамтран 4 аймгийн 7 сумын 594,000 га талбайд тарваган тахлын байгалийн голомтын тандалт судалгааг 4 удаа зохион байгуулж, 1,246 сорьцыг лабораторийн шинжилгээнд хамрууллаа. Судалгааны үр дүн нь өвчний эрсдэлийг бодитой үнэлж, урьдчилан сэргийлэх арга хэмжээг оновчтой төлөвлөхөд чухал ахиц боллоо.

🌟Хөрс, хүнсээр дамждаг гельминтийн тандалт судалгаа амжилттай хийгдлээ. ✨ Улаанбаатар хотод импортоор орж ирж буй жимс, хүнсний ногоонд шимэгчийн өндөг, авгалдай илэрсэн нь хүнсний аюулгүй байдлыг тогтмол хянах шаардлагатайг харуулж байна. ✨ Энэхүү судалгаа нь эрсдэлийг эрт илрүүлэх, урьдчилан сэргийлэх тогтолцоог бэхжүүлэхэд чухал ач холбогдолтой.

2025 онд манай эмч, мэргэжилтнүүд БНХАУ, Япон, Вьетнам, Малайз, ОХУ, Пакистан зэрэг улсуудад зохион байгуулагдсан мэргэжил дээшлүүлэх сургалтуудад хамрагдаж, орчин үеийн оношилгоо, шинэ арга технологийг эзэмшлээ.