Европын Холбооны санхүүжилтээр 2025–2028 онд хэрэгжиж буй “Төв Азид уур амьсгалын өөрчлөлтөөс үүдэлтэй зоонозын халдварт өвчний эрсдэлийг бууруулах (CBRN P109)” төслийн олон улсын шинжээчдийн баг Монгол Улсад ажиллаж байна.
Төслийн хүрээнд шинжээчдийн баг Зоонозын өвчин судлалын үндэсний төв-д зочилж, байгууллагын удирдлагууд болон холбогдох мэргэжилтнүүдтэй уулзалт зохион байгууллаа.
Уулзалтын үеэр талууд дараах чиглэлээр санал солилцож, хамтын ажиллагааны боломжуудыг хэлэлцэв.
Нөхцөл байдлын үнэлгээМонгол Улсын зоонозын өвчний тандалт, урьдчилан сэргийлэлт, хариу арга хэмжээний тогтолцооны өнөөгийн байдалд дүн шинжилгээ хийх асуудлыг хэлэлцлээ.
Чадавх бэхжүүлэхУур амьсгалын өөрчлөлтөөс үүдэлтэй биологийн эрсдэлийг бууруулахад шаардлагатай олон улсын сайн туршлага, арга зүйг нэвтрүүлэх чиглэлээр санал солилцов.
Хамтын ажиллагааСалбар дундын болон бүс нутгийн мэдээлэл солилцооны механизмыг бэхжүүлэх, бодлогын зохицуулалтыг сайжруулах чиглэлээр хамтын ажиллагааг өргөжүүлэх талаар ярилцлаа.
Уур амьсгалын өөрчлөлт, байгаль орчны доройтлоос шалтгаалан зоонозын халдварт өвчний тархалтын хэв шинж өөрчлөгдөж буй энэ үед CBRN P109 төсөл нь Монгол Улсын нийгмийн эрүүл мэндийн аюулгүй байдлыг бэхжүүлэх, болзошгүй эрсдэлээс урьдчилан сэргийлэхэд чухал ач холбогдолтой юм
Зарлал
