Өмнөговь аймгийн ЗӨСТ “Галзуу өвчинтэй тэмцэх дэлхийн өдөр”-өөр дараах ажлыг хийж гүйцэтгэлээ. Үүнд:
- Галзуу өвчнөөс урьдчилан сэргийлэх санамжийн эх боловсруулан, Улаанбаатар хотын “Тоонот” принт компаниар нийт 2000 ширхэг санамж хуудас хэвлүүлэн гаргаж, ард иргэдэд тараав.
- Галзуу өвчнөөс урьдчилан сэргийлэх зөвлөмжийг олон нийтийн газруудад байрлуулан иргэдийг мэдээ, мэдээллээр хангаж ажиллалаа.
- Ханхонгор, Мандал-Овоо, Цогт-Овоо, Баяндалай, Сэврэй сумдын онцгой комиссын гишүүд нийт 95 хүнд сургалт хийв.
- Цогт-Овоо сумын 300 малчин иргэдэд “Галзуу өвчнөөс урьдчилан сэргийлэх” сэдвээр 2 цагийн сургалт хийж, санамж хуудас тараав.
- Орон нутгийн телевизээр “Галзуу өвчнөөс урьдчилан сэргийлэх” инфографикийг нийт 5 удаагийн давтамжтайгаар явуулав.
- Байгууллагын цахим хуудсанд “Галзуу өвчнөөс урьдчилан сэргийлэх” зөвлөмж, санамж, мэдээлэл зэргийг байрлуулан ард иргэдийг мэдээ, мэдээллээр хангав.
- Сумдын эрүүл мэндийн төвүүдэд “Галзуу өвчнөөс урьдчилан сэргийлэх” санамж хуудас хувиарлан өгч малчдад тараав.
Өмнөговь аймгийн Зоонозын өвчин судлалын төв
Нийтлэсэн огноо: 2017.10.04
Зарлал
