Монгол улсад

Засгийн газрын хэрэгжүүлэгч агентлаг УМЭҮГ-ын мэдээгээр 2016 онд 14 аймгийн 72 сум, Улаанбаатар хотын 2 дүүргийн 161 голомтонд 230 мал, амьтан галзуу өвчнөөр өвчилж, 2015 оны үзүүлэлт (443 мал, амьтан)-тэй харьцуулбал өвчилсөн мал, амьтны тоо 48.08%-иар буурсан байна. Өмнөх 5 жилийн дундаж (402)-тай харьцуулбал 1.75 дахин цөөн мал, амьтан өвчилсөн байна.

2015 онд 18 аймгийн 128 сум, Улаанбаатар хотын 2 дүүрэгт мал, амьтны өвчлөл бүртгэгдэж байсан бол өнгөрсөн 2016 онд 14 аймгийн 72 сум, Улаанбаатар хотын 2 дүүрэгт (Хүснэгт 1) өвчлөл бүртгэгдэж, өвчлөлийн тархалт ч буурсан үзүүлэлттэй байлаа.

Мал, амьтны өвчлөл бүртгэгдсэн сумууд (2016 он)

Өвчлөлийн улиралчлал өмнөх жилүүдэд 1,2-р сард аажим өсч, 3-р сард оргил үедээ хүрээд цааш аажим буудаг байсан бол 2016 оны 3 (43), 4–р (52) сард хамгийн олон мал, амьтан өвчилсөн байна.

2016 онд бүртгэгдсэн мал, амьтны өвчлөл (сараар)

2016 оны байдлаар таван хошуу мал, нохой, муур, үнэг, чоно, дорго галзуугаар өвчилсөнөөс үхэр 54,3% (125), тэмээ 6.08% (14), адуу 2.17% (5), хонь 5.65% (13), ямаа 15.21% (35), нохой 6.95% (16), чоно 2.17% (5), үнэг, дорго 6.95% (16) тус тус өвчилсөн байна.

Хүснэгт 1. Мал, амьтны өвчлөлийн байдал (2015 он ЗГХА-МЭҮГ-ын мэдээгээр)

*- тохиолдол бүртгэгдсэн цэгт газар