ЗӨСҮТ
Онцлох
Тарваган тахлын үзүүлэх сургуулилтын хээрийн эмнэлэг дэлгэв
202

2017 оны 06-р сарын 23-ны өдөр ЗӨСҮТ-ийн мэргэжлийн анги, бие бүрэлдэхүүн  тарваган тахлын улиралчлал эхлэж буйтай холбогдуулан халдварт өвчний дэгдэлтийн нөөцийн бэлэн байдлыг хангах, хариу арга хэмжээ авах (дуудлаганд үйлчлэх, тархвар судалгаа, голомт хяналт, эмнэлзүй, лабораторийн иж бүрэн тусламж үйлчилгээ) талаар үзүүлэх дадлага сургуулилтыг зохион байгууллаа. Тус үзүүлэх сургуулилтад ЭМЯ-ны төрийн нарийн бичгийн дарга Д.Очирбат, ХӨСҮТ-ийн ерөнхий захирал Д.Нямхүү, ОБЕГ, НЭМГ-ын төлөөлөл, Like TV, Mongol TV, VTV зэрэг хэвлэл мэдээллийн ажилтнууд, нийт 20 гаруй хүн оролцлоо.

Монгол орны 17 аймгийн 136 сумын нутаг тарваган тахлын байгалийн голомттой.

2016 онд тарваган тахлын хүний өвчлөлийн 4 сэжигтэй тохиолдол бүртгэгдэж, онош үгүйсгэгдсэн ч Баян-Өлгий, Хөвсгөл аймагт тарваган тахлын өсгөвөр илэрсэн нь хүний өвчлөл гарах өндөр эрсдэлтэйг харуулж байна.

Тиймээс өвчлөлийн улиралчлалыг угтуулан тарваган тахлын хариу арга хэмжээний үзүүлэх сургуулийг хээрийн нөхцөлд зохион байгуулж, тухайн өгөгдсөн нөхцөл байдалд дуудлагын 3 баг, халдвар эсэргүүцэх мэргэжлийн 6 отряд, хангалтын бүлгүүд ажиллаж, хариуцсан үүргийг амжилттэй гүйцэтгэлээ. Мөн үзүүлэх сургуулилтад Эрүүл мэндийн сайдын шинээр батлагдсан зоонозын хүний өвчлөлийн хяналт сэргийлэлтийн заавар, халдвар хамгаалал, био-аюулгүй ажиллагааны дэглэмийн заавруудыг хэрэглэж, туршсан нь шинэлэг, бүтээлч ажил боллоо.

Тус сургуулилтыг ЗӨСҮТ-ийн нийт бие бүрэлдэхүүн болон хүрэлцэн ирсэн төлөөлөгчид бодитоор харж, эмч, мэргэжилтнүүдийн үйл ажиллагаа бүрийн тайлбарыг сонсож, тарваган тахал өвчний талаарх ойлголт, хээрийн эмнэлэг, лабораторийн үйл ажиллагаатай танилцсан үр өгөөжтэй сургуулилт боллоо.

Нийтлэсэн огноо: 2017.06.23

 

Leave a comment

Your email address will not be published. Required fields are marked *

Visit Us On FacebookVisit Us On YoutubeVisit Us On Twitter